第418次：鶴籔流水響

星期一休息，唔使講都無人陪，又是獨樂樂時間。

一心要hea，越hea越好，揀了兩個水塘仔來消遣。

粉嶺飽飽後，苦候半個鐘，點3上小巴：

點8鶴籔村前馬路東山下落車：

 

步行4個字，到達鶴籔水塘：

不急於左邊上梯，右沿水壩行，大路行至涼亭。

見分枝路，上山走衛徑行八仙嶺，前段也有支路經平山仔到沙螺洞。

沙螺洞下次再去，先走家樂徑環繞水塘一週：



家樂徑唔長，全程林蔭，輕鬆易行。

水塘雖細，但好靚，碧波盪漾，鳥語花香。

漫步其中，分外寫意：

見這美麗澗水，真係好想上演一場貴妃出浴：

 

途中經過幾條小橋：

郊遊徑路牌清晰：

嗖！

由深圳出來…………

見有紅色路標，即時身痕，好奇心起，沿疑似路坯前行。

走不到十米，突然，重重的「嗖」一聲，眼前甚麼也不見，只有小樹在搖晃。

剎那間，個心震出來，稍為定神，急腳回頭。

落幾步到小橋，食完驚風散。回想剛才遭遇，甚麼動物？

不是飛禽，是走獸！肯定唔係獅子老虎，黃？山狗？山豬？

早幾日在茂草岩落觀音村，芙蓉泌路口，也是突然有小動物在眼前一閃。

牠雖快，但仍可眼見，憑身型判斷，唔係松鼠就係野兔。

今日就唔同，聽聲應該是大型動物，點解警覺性咁底？要在我跟前才倉猝逃跑？

調轉諗，如果牠當時向我襲擊，那就……

太多疑問，唔諗咁多，繼續行程：

沿衛亦信徑七段上行石坳山，過流水響：


 

高處欣賞鶴籔水塘，一塊半月彎明鏡：

另一角度，欣賞屏風黃嶺及八仙群峰：

石坳山右走流水響郊遊徑：

高處眺望北大門： 

流水響水塘：

續走郊遊徑：

十分美麗的景象，令人陶醉：

4點半，郊遊徑接上桔仔山坳：

上行九龍坑山，歸途任擇。下行2公里，大埔公路？

好遠喎！怎樣兩公里接大埔公路？這疑問存在很久，未曾破解。

橫掂夠時間，就試下：

沿舊軍路下行，見這舊軍營：

原來此路已行過，那次上龍山，是經過這裡的：

由哪裡上來？無印象是大埔公路，但又唔記得！

呵呵，原來是九龍坑村。

上次跟隊，是由上水火車站一路欣賞田園風光而來，再上龍山：

這附近，應該無大埔公路，唔搭車走，見有天橋橫跨鐵路，上去睇下：

再行就見粉嶺公路，過天橋睇下：

再行也不是大埔公路：


過大窩西支路，又有條橋頭路直去，不知通往何處：




大窩西支路有車搭，上車往太和轉乘火車，早早歸家：

日期：26-09-2011（一）
天氣：26-32℃，晴

今日9月29號星期四，是我休息日，竟然來了今年第一個8號風球。
是蝕一日假，還是賺少一日假？哈哈……