Uncle 行山旅遊網誌

星期二本來要行麥徑三段，結果蛇咗上蚺蛇尖。 今日計劃遊莆台島，又因各自要搵食而告吹。 剩返兩丁友，加上預料天氣唔好，所以決定行麥三煉下筋骨算數。 北潭凹起步，上牛耳石山，嶂上閒遊食8蚊豆腐花。 經畫眉山、雷打石，上落雞公山，企嶺下返歸。 大霧天已是意料中事： 一葉知春： 小花與春露： 除了霧，乜都睇唔倒： 嶂上： 小村民主動走來同我們搭訕，透得我們笑呵呵： 行到呵呵聲，終於上到雞公山： 老友話，這是莫衣，金魚街賣得好貴，要來養金魚： 不知不覺，來到企嶺下終點：   日期：28-02-2010 (日) 天氣：27℃，潮濕大霧 步程：3.5h 遊蹤： (10:15) 北潭凹> 牛耳石山> 嶂上> 畫眉山> 雷打石> 雞公山> 企嶺下(14:50)

蚺蛇尖，不用多講，行過的都會體會到： 今日三友傻闖蚺蛇尖。 原本只是北潭凹起步，順行麥三，雞公山落水浪窩散band。 只因落車習慣性地過了馬路，言笑間互相挑釁。 老同事新行友大大聲話，幾難行佢都得(佢都唔知我地講邊度)！ 見到個牌，新行友話： 「吓！蚺蛇尖？」 「唔係唔係，蚺蛇尖遠呢，好難行，睇唔倒，我地唔行蚺蛇尖！ 上埋呢個頂就走，蚺蛇尖下次再行過。」 係咁，就傻下傻下，一個唔覺意，就上咗去囉： 北脊，正北上過一次， 有件事，心思思… 經過連日潮濕雨水天氣，上尖的路變得濕潤，沒有浮沙。 每一步都有腳踏實地的感覺，減少了不少難度： 第二托最難最辛苦，也算不了甚麼： 係咁易，就上到頂了： 上到頂，唔使講，個個都心花怒放！ 值得值得，幾辛苦都值得！ 哎，美麗的蚺蛇灣變成咁： 千溪又係咁： 原本要經米粉頂落東灣，但在山頂起行時，才發覺我遺失電話。 記得在第二托我用過電話，三人唯有原路下行尋找。 幸運地，在第二托小休處找回： 搵返個電話，唔想再行上去，就沿此239山脊落大灣： (不知名，但地圖標239，就叫239山脊算了)   沒有泳客，東灣很靜： 咦！誰的足跡？ 原來係佢： 到咗咸田，士多帶來了新年的氣芬，村民在麻雀娛樂： 如此獨木橋： 赤徑一葉小舟： 回北潭凹結束一次嬉笑怒罵的旅程：   日期：23-02-2001 (二) (年初九) 天氣：22℃， 陰，間中有陽光  ( 兩星期以來最好的天氣 ) 步程：5.5h   遊蹤： (10:00) 北潭凹> 大浪凹> 蚺蛇尖>239 山脊> 太灣> 咸田> 北潭凹(18:00)

寒冷天氣，一覺瞓到11點，跟甚麼隊，行邊度… 一早計劃好的活動，早已被周公拋之腦後。 塞翁失馬，焉知禍褔？ 今日年初三，照慣例，親友雙方互不拜年。 天氣凍，個個都唔想去街。 下午茶敘後，家人相議一齊來個短線郊遊。 咁就揀了九龍水塘傻人樂園 ~   樂天長壽： 別誤會，相中小朋友並非我同行家人，只是現場向他父母借來做小小模特兒。 其實這是一座戰時石碑，被晨運人士改建成花園般場地： 傻人樂園： 園成一九七零年       自認傻人墾地先       繼後仍須勤努力       亭臺花木更爭妍 風雲變幻時常見       庇護應為未雨謀       廣廈易求千萬座       樂園難得瓦遮頭 欲求長壽亦非艱       晨運有恆可駐顏       何必蓬瀛求妙藥       眼前此處是仙山 出門翹望曉星稀       月落西山曙色微       行到樂園天漸白       功夫做罷詠詩歸 樂園景色最怡人       晨運登臨可健身       體力日增春不老       想深未必是傻人 傻頭傻腦莫傻心       人得健康值萬金       樂在半山晨運後       園中小休卧花蔭 恕我不才，點樣讀？ 歡樂今朝： 九龍水塘春意： ...