第417次：獨孤為乜？

因踩單車不守規矩，被罰跪土地伯公，膝頭哥皮膚輕微擦傷至今，足十日傷口才有好轉。

停了十多日無行山，由腳痛變腳痕。

今日放假，原本想跟隊，但到十點幾先天光。

想搵條路來行，無乜主意，真係好難！

最耍家就是後花園，12點揹個背襄就上山，老規矩，必經地龍口：



隨道口上引水道，12管上獅子山：

上到回歸亭，諗唔到想行的路，就往獅頭走。

在這裡，涼風陣陣，清風送歌仔，又有電話玩，磨了成個鐘。

早前行完屏南，個電話就捐去洗衣機洗白白，遇溺身亡。剛買了新機，帶出來玩。

今日相片全由手機影，一路影一路上傳回電腦，不過多數都不成功。

獅頭變女巫：

想行去邊？食碗豆花再打算：

10蚊無得找：

想落水泉澳睇飛來石，但有約不久將要再行一次。

算囉，先上觀音山再落飛鵝山。

約行千級蚊型梯：

不甚清淅的高清塔：





近觀高清電視發射台：

落到觀坪路口，見路口之上有兩條支路，兩條都未行過。

忘了飛鵝山，一時興起。隨便行一條，走下路：

都幾靚仔：

看見嗎？有兩個保安在屋頂站崗，大聲呼喝，不淮我接近：

大路過村屋後變山徑，原來接麥徑近M95-M96之間：

既來之則安之，順著麥徑走：

又有得hea：

抖完下行不久，見這裡有很多標，上次行老鼠田坑也是由此處捐出來的：

捐入去睇下，找不到上次出澗位，卻見有小徑行，唔理咁多，照行可也：

原來接茂草岩，自然又是受到一群食Q熱情招呼，有勞村民護送過村：

過村接郊遊徑落觀音山村：

白姐姐夾道歡迎：

步入觀音山村上村：



幾個兇惡的地頭蟲，攔途截劫，要收買路錢：




牠們來勢，搞到我進退兩難。

唯有企定定同佢講數：

大佬呀！我呢個窮鬼邊度有帶咁多錢呀？你要狗糧，我又無，唔該借借啦！

講唔掂數，怕死狗遠方監視，大白在旁助戰，小黑竟然咬我褲腳唔放，話無錢就唔放人！

十分無奈，唯有大聲呼喚：唔該，有無人呀？

雙方僵持了約半分鐘，屋裡主人大叔珊珊來遲，解決了這次糾紛。

不打不相識，兩隻衰，卻好似老友般送我出村：




接上觀坪路，不上行走大道出九龍。信箱下行再入村，落山返沙田：

過村自然受到熱情歡迎，或者這都是有錢人家吧。

護衛們倒也盡忠職守，遠遠打過招呼就算，無咁盛情：

沿悶極的水泥路下行：：

行到大老山隧道，已經六點了。

係咁，無喱頭，唔知行過乜，就hea六個鐘：

日期：22-9-2011（四）
天氣：24-28℃