第396次：肥佬走兩脊

一星期前，已約定今日上午行龍門郊遊徑，同事下午返工，我加料自由行。

龍門郊遊徑由川龍起步，沿林蔭小徑步行往城門水塘。

不少遊人喜歡先在川龍中式茶樓早茶後再起步。

嘻嘻，唔講你唔知，我未試過在川龍裹腹呢！

三人一早來到川龍飲早茶：

9:15起步，行約兩公里林陰車道到達起步點：

此徑的有其特色，就是會經過1、2、3號三道木橋，另跨幾條小澗：

沿路除可俯瞰荃灣、青衣一帶景色，葵涌及荃灣市鎮亦收眼底。

遠看昂船洲大橋、青馬大橋；南丫島、鳳凰山。近觀圓玄學院，城門隧道：

時間充足，一路慢慢hea。

未段不走長命梯，改往龍泉谷林陰畔溪大休。

龍泉谷是例牌大休地，在此遇上山友小組：

又開爐煮食，試過會上癮：

因早前感冒未清，起步時，條氣頂住頂住，CC下，行順，又無事。

玩到一點，收拾行裝，老友夠鐘趕科場，而我，又自由發揮了：

上次肥佬麥上禾秧山，網友亦提到四方亭可通肥佬麥，搞到我心思思想試。

大休時遇上相熟山友，問過肥佬麥上四方亭的入口和步程，這就增加了信心。

1:45到達肥佬麥：

坐低慢慢計劃行程和歸途，打算上四方亭後，經梧桐四瀑走人。

此時發覺可能唔夠水，就地再煲：

剛才遇上的山友，溯大城石澗，稍後也到此大休後回程：

肥佬麥往大埔方向行5分鍾(未到竹林隧道)，見支路上山：

此山徑入口亦是要先穿林後開陽，但相對來講，與一般山徑無異，路徑尚算明顯易行，沒甚難度：

45分鍾步程就接四方亭：

小徑與麥徑交接處就是這裡，幾棵樹就是通往肥佬麥之小徑：

睇下山勢，四方山不走大路往禾秧山，似乎無乜可能。

坐在四方亭，涼風浸浸，好舒服，唔舍得走。

望下個錶，兩點正！

時間尚早，又再改線，翻尋上次肥佬麥上禾秧山之路徑。

望向大帽山，難得今日又不是大霧山了：

昨日市區天氣34℃，破30多年6月份最熱紀錄。

四方亭上大帽山，呢條命斜，一滴風都無。斷估無34℃，不過就熱C人：

好不容易，捱到山頂，見到這波波和四週無敵景觀，心情為之一振：

元朗平原：

大刀屻：

大小梧桐：

八仙與淡水湖：

馬鞍山及遠處蚺蛇尖：

黃牛水牛：

九龍群峰，獅子山至飛鵝山：

港島群山都一覽無遺：

葵青遠至三支香：

這天下無免費午餐，要欣賞這無敵風景，多數都是要這大熱天氣才有機會。

上年與老友溯西南坑，老友表示出澗位左走密林可通禾秧山落肥佬麥。

今日決定試行，闖一闖。

上次肥佬麥上行，出林就接這半山坡遠處大石位置：

大霧山道，迂迴曲折，這重型吊車正蟻速下行：

在這彎位走捷徑下行：

山腰路水泥小徑下行西南坑：

澗口位小泵房，大概是引水上山供工作人員使用：

這就是西南坑出澗位，前方有絲帶引入密林：

荒脊並不易行：

死跟絲帶，走出密林後，人頭高的矮竹林，與上次同一命運，迷失路途：

左穿右插，終於接上正途：

見此石疑似相識，以此石為目標，橫沖直撞：

仍找不到目標，見此有人玩疊石，肯定有人經過：

接上這石群，仍找不到路途：

十分迷惘，忽見幸運黃絲帶！

這是我上次留下的最後一條絲帶，喜出望外，終於找到落山路途：

上次盲舂舂上山，幸好留下希疏路標，今日大派用場。

這就是要闖的密林：

正所謂，上山容易落山難！

蟻速走過乾坑陡斜路途：

經過幾塊田堰：

再穿竹林迷宮：

終於接上相思林徑：

2分鍾走回肥佬麥小休。

睇下個錶，5點正。

點解5點個天會咁黑？好似冬季！望下個天，灰黑黑，可能將近有雨！

速速走人：

循虎蹤徑，以我極速落山接大路：

落到大路已斷糧水。

6點三，到達菠蘿壩，士多大叔正拉閘收檔：

10元買支豆漿：

6點七，落到可風中學，咦！呢個鐘唔準：

返到屋企，沖完涼食飯，已是九點了，此時仍未留意時間有咩唔妥。

直至第二日，才驚覺我個錶足足慢了77分鍾！

我上到肥佬麥小休煲水，睇錶是1:45，翻查相片紀錄，時間無錯。

上到四方亭，睇錶是兩點，無記錯！翻查相片紀錄，是3:15。

奇怪！即是肥佬麥至四方亭這段時間，個錶無喇喇慢了77分鍾！

唔通………？

真係人蠢無藥醫！

我點九到肥佬麥，煲水小休都成半個鐘，點解上到四方亭係兩點都唔知咩事？

落到肥佬麥5點，個天咁黑又唔懷疑個錶？

落到可風中學，又話人地個鐘唔準？

相機有時間，電話有時間，點解唔對下個錶？

………………

一句講晒，死蠢！！！

 

heheeeeee…，各位老友，睇完就算，唔好笑 ………

 

今日遊蹤：(9:15)川龍>龍泉谷>虎蹤徑>肥佬麥>四方亭>西南坑>禾秧山>肥佬麥>虎蹤徑>菠蘿壩>可風中學(19:50)

 

日期：10-6-2011（五）

天氣：27-31℃，晴