第298次：芝麻老人

一連十幾日的沉悶工作，終於偷得忙中一日閒。

相約同事老友行山，老人家同事話，要唔辛苦唔難行，又要踞高臨下無敵靚風景。

呢人要求又幾無理！

靈機一觸，老人家最行老人山！

於是東涌早茶後，11點貝澳起步：

順行港島徑，途經寧靜的咸田村，可見老人山：

貝澳泳灘，人影都唔見一隻：：

天后宮：

祂是誰？慈祥的老人家，弄孫為樂：

逆走芝麻灣郊遊徑上老人山：

一輪梯級山徑上到老人山副峰：

山上有迷你山神廟：

今日天氣有霧兼煙霞，景觀大打折扣：

山上不時傳來廣播聲，原來是出自貝澳泳灘：

同行坐係山上賴死唔肯走。

指向對面，老友！遠處山頂有士多，快d過去〔汽水雞脾〕啦！

腳快有腳慢無，沖呀！

咦，今日唔係禮拜，老人家唔做生意，士多唔開門！

點解士多有煙囪？

幫老人家影張相先：

天色唔好，無睇，又無雞脾食，走囉！

呢條竹林大道又幾靚喎：

哇！蟲蟲一家親：

講起蟲蟲，就要提起我老友捉蟲專家，

佢千叮萬囑，要SHOW佢大製作出來：

相片又影得幾好喎：

大家都係傻瓜，點解佢要影得咁靚：

佢要我SHOW佢靚相出來，即係想話被人知，我影相好渣！

其實我蟲蟲，太珍貴啦，已送進博物館作永久珍藏呢！

好似佢，大懶蟲，行路慢吞吞，淨係掛住捉蟲：

 

嘻嘻，話咁慢，不見龍頭，來到龍尾：

右轉行大浪灣望東灣，已行過，唔行。

沿有格仔郊遊徑往芝麻灣：

好靚木耳，摘來佐餐唔知得唔得：

又係大浪灣：

下午天色轉好，可見對面幾長長洲：

過大海：

途中都有石景睇下：

 

捉蟲專家呢次唔捉蟲，走去捉蛇。

呢條大懶蛇，埋伏在路邊想收買路錢，

可能捱三日通宵，大大聲叫佢起身讓路都唔知醒。

係唔係青竹蛇？佢聾嘎？

做東郭先生，唔忍心害佢一命。

最後一招，打草驚蛇，咁就乖乖地讓路：

來到拾朗水塘：

芝麻灣度假屋的職員餐廳，幾靚喎：

芝麻灣：

芝麻灣有渡輪往梅窩：

渡假村：

經拾朗回程：

回經今早起點：

黃昏的貝澳泳灘和咸田濕地：

慢慢行，慢慢影，15公里路，竟用了7個鍾！

闊別老人四年，今日重遇，他老人家仍青春長駐呢！

 

日期：12-05-2010 (三)

天氣：26℃  晴

今日遊蹤：

(11:00)貝澳>港島徑>芝麻灣郊遊徑>老人山>郊遊徑>芝麻灣>拾朗>貝澳(18:00)