第295次：失意黃牛

黃牛石城，位於黃牛山西南面。

石景雖不多，但值得一遊。

群石中，有大鳥石、獅身人面石、石天窗等…

黃牛水牛兩山，已多次探遊，並不陌生。

今日得閒，又單拖獨樂樂。

原計劃由黃泥頭起步，上兩牛，玩石城，過石芽。

再上女婆睇不文石，密林落沙田醫院。

只是，人算不如天算…

 

 

11點三，廣源經黃泥頭起步，見兩牛山頂萬里無雲，

已多時未見咁好天，心中暗喜。

先行郊遊徑：

來到石芽貝：

天氣非常好，陽光普照。

心裡盤咕，天文台又呃人！話有狂風驟雨，28℃大晴天，好熱呢！

石芽貝抄小徑上山，見這石堆，梗係又貢埋去睇下啦：

咦！有個天窗仔喎：

12點三，太陽伯伯偷懶，不過都好，起碼無咁熱：

12點半，山頭吹來一片雲，小雨隨即降臨：

唔理佢，照上可也。

唔對辦，雨越落越大。

雨天騎牛牛，吃過苦頭，石芽落女婆坳，跣過好跣！

CC下，剛才的豪情壯志已煙消雲散，走為上計：

走落石芽貝，雨勢又小：

有後悔，不過不能回頭！

走麥徑，希望停雨近打瀉油再上山：

抬頭望見石城，心思思：

嘩！天文台最准係呢次，果然狂風驟雨：

直至打瀉油，雨勢才放緩：

上山不可能了，一個人雨中漫步，倒也〔浪漫〕：

狂風驟雨趕走了雲霧，視線變得廣闊。

遠方的西壩清晰可見：

我的女神遠處見到我個狼狽樣，在陰陰笑：

茅坪，少有咁清靜。

有瓦遮頭，避下雨，諗下點行。

如果無雨…

梅子林唔落富安，經女婆坳，影張不文石，經花心坑回廣源。

難得清靜，聽下歌仔先：

等了成半個鐘，不見停雨，沿郊遊徑落梅子林走人：

途中有觀音菩薩保佑：

劉氏祠堂：

茅坪舊村：

倒也奇怪，竟然有四個年輕男女上山，四把遮四對運動鞋，沒有任何裝備。

向我問路，這山有幾高？有幾遠？呢條甚麼徑？

……，搞到我哭笑不得！

梅子林：

女婆山：

雨仍未停，都係講聲拜拜。

落富安，結束這次無名之旅：

 

天氣：28℃，初時天晴，繼而狂風驟雨

步程：3.5h

遊蹤：(11:15)廣源>石芽貝>黃牛半山回落>麥徑>茅坪>梅子林>富安(15:15)