日落白泥

去下白泥影日落，是影相發燒友的必備節目。

今日扮發燒，跟隨同事去奏熱鬧。

提早放工，由西貢直驅下白泥：

在橋頭落車步入沙灘：

幾條友溫釀咗兩個禮拜，問卜占卦，查通勝、測天文，

夾時辰八字，樣樣做齊。

最後由識途老馬拍板，果然無揀錯日子。

剛好黃昏，適逢潮水退至最底，等候日落：

回望遠處青山，挑戰同事，下次不要揸車，由青山行落來睇日落，

同事話：釆你都傻！

良景至下白泥呢段，我未行過呢！

深圳灣大橋：

昨天還是30℃天氣，今日忽然轉涼，黃昏只有廿三四度。

都幾大風，連相機三腳架都被風吹到震震下：

將近日沉大海之時，厚厚的雲層你爭我奪，咬著個咸蛋唔放：

我既功夫仔係咁上下：

都幾好呀！

回頭一望，一對新人在拍照，新娘子肯定比日落還靚：

珠海的… ？

似我，一舊雲：

咦！四條傻佬調轉槍頭？

哦！

月出都幾靚呀！

就來水浸腳毛，速速收檔，滿載而歸。

show同事一張傑作來睇下：

日期：02-11-2009  (一)

天氣：24℃   晴